له‌گه‌ڕه‌كی ڕاپه‌ڕینی شارى سلێمانى، شه‌ڕ و ڕووبه‌ڕووبوونه‌وه له‌نێوان مه‌فره‌زه‌یه‌كى هێزه‌كانى ئاسایش و ژماره‌یه‌ك داواكراودا ڕوویدا و بریندار هه‌یه.
یاسین سه‌میع، وته‌بێژى ئاسایشی سلێمانى به تۆڕی میدیایی ئێستاى ڕاگه‌یاند، “ئه‌مشه‌و هێزێكى ئاسایش چوونه‌ته گه‌ڕه‌كى ڕاپه‌ڕین بۆ ده‌ستگیركردنى سێ تۆمه‌تبارى به ڕه‌گه‌ز عه‌ره‌ب كه فه‌رمانى ده‌ستگیركردنیان هه‌بووه”.
ئاماژه‌ى به‌وه‌شكرد، له كاتى هه‌وڵدان بۆ ده‌ستگیركردنى تۆمه‌تباره‌كان ڕووبه‌ڕووی هێزه‌كه‌ى ئاسایش بوونه‌ته‌وه و له‌كاتى ڕووبه‌ڕووبوونه‌وه‌كه‌دا داواكراوێك برینداربووه.
وته‌بێژى ئاسایشی سلێمانى باسی له‌وه‌شكرد، دواتر هه‌ر سێ تۆمه‌تباره‌كه له‌لایه‌ن هێزه‌كه‌وه ده‌ستگیركراوه.
