لە شەقامی 60 مەتریی هەولێر، بەهۆی رووداوێکی هاتوچۆوە کەسێک گیانیلەدەستدا و کەسێکی دیکە برینداربوو.
پەیامنێری تۆڕی میدیایی ئێستا لە شاری هەولێر پێیڕاگەیاندین، لە ترافیک لایتی مەحمود لە شەقامی 60 مەتریی هەولێر رووداوێکی سەختی هاتوچۆ لەنێوان ئۆتۆمبێلێکی جۆری تۆیۆتا کرۆلا، تانکەرێکی گواستنەوەی سووتەمەنی و ماتۆڕسکیلێک روویدا.
وتیشی، لە ئەنجامی رووداوەکە شۆفێری ماتۆڕسکیلەکە گیانیلەدەستدا و شۆفێری تۆیۆتا کرۆلاکە برینداربوو.
ئاماژەی بەوەش کرد، شۆفێری تۆیۆتا کرۆلاکە برینەکەی سەختە و بۆ وەرگرتنی چارەسەر رەوانەی نەخۆشخانە کراوە.
