وتەبێژی وەزارەتی ئەوقاف و کاروباری ئایینیی هەرێم رایدەگەیەنێت، هەر مامۆستایەکی ئایینی پێش دادوەر مارەبڕین بکات لێپرسینەوەی لەگەڵ دەکرێت.
نەبەز ئیسماعیل، وتەبێژی وەزارەتی ئەوقاف و کاروباری ئایینیی هەرێم رایگەیاند، “بەپێی رێنماییەکانی وەزارەتی ئەوقاف، پێویستە بۆ هاوسەرگیری هەموو کارەکانی دادگا وەک پزیشکی و رێکارە یاساییەکان تەواوبکرێن، ئەوکات لای مامۆستای ئایینی مارەبڕین بکرێت”.
وتیشی، “هەر مامۆستایەکی ئایینی سەرپێچی لە رێنماییەکاندا بکات، لێپرسینەوەی لەگەڵ دەکرێت”.
