تیمی پزیشكیی یانەی بەرشلۆنە تووشبوونی دوو یاریزانی بە كۆرۆنا ڕاگەیاند.
لە دوایین پشكنینی كۆرۆنا بۆ سەرجەم یاریزان و فەرمانبەر و دەستەی كارگێڕیی یانەی بەرشلۆنە، دەركەوتووە هەردوو یاریزان لینگلێت-ی فەرەنسی و ئالڤێس-ی بەرازیلی تووشی كۆرۆنا بوون.
بۆیە بڕیار دراوە هەردوو یاریزانەكە بۆ ماوەی 10 ڕۆژ لەژێر چاودێریی پزیشكیدا بن.
بەراورد بە ئینگلتەرا، لە ئیسپانیا دۆخی كۆرۆنا باشە و زۆر كاریگەریی لەسەر یانەكان دروستنەكردووە.
ڕیاڵ مەدرید تاكە یانەیە لە ئیسپانیا زۆرترین تووشبووی بە كۆرۆنا هەبووە، پشكنینەكانی هەشت یاریزانی پۆزەتیڤ بوون.
ئامادەكارییەكانی بەرشلۆنە بۆ هەفتەی نۆزدەیەمی خولی ئیسپانیا دەبێت، كاتێك ڕووبەڕووی ڕیاڵ مایۆركا دەبێتەوە.
