ڕاڵف ڕانیك، ڕاهێنەری مانچستەر یونایتد لە ئاستی یاریزانەكانی ڕازی نییە و داوا دەكات توانای زیاتر لە یاریگادا خەرجبكەن.
پێشیوایە دوو یاریی داهاتوو هەلیان لەبەردەمە بۆ ئەوەی ئاستێكی بەرز پێشكەش بكەن.
لێدوانی ڕانیك پاش یەكسانبوونی مانچستەر یونایتد و نیوكاسڵ
- هۆكاری خراپ دەركەوتنی تیپەكە پێكهاتە نەبوو، بەڵكو ڕۆحییەتی یاریكردنمان بوو.
- لە ڕووی توانای جەستەیی و چێژوەرگرتن لە یاری خراپین و پێویستە باشتر بین.
- تەنانەت كە یەكسان بووین و ئەوانیش چەند یاریزانێكیان تووشی پێكان بوو، هێشتا ئێمە باش یاریمان نەكرد، هەڵەمان زۆر بوو.
- تۆپی زۆرمان لەدەستدا، بەتایبەت كاتێك كۆنترۆڵی یاریگامان بەدەستبوو.
- جارێكی تر دی خیا ئاستێكی بەرزی پێشكەش كرد.
- هیچ بیانوویەكم ناوێت، لە ئاستی تیپەكە و یاریزانەكان ڕازینەبووم.
- دوو یاریی داهاتوومان لەناو یاریگای خۆمانە و دەزانم یاریزانەكان توانایان هەیە ئاستێكی بەرز پێشكەش بكەن.
