یانەکانی ئینتەر میلان و ڕۆما لە ئێستاوە جموجۆڵیان بۆ مێرکاتۆی هاوینەی 2022 دەستپێکردووە.
بەپێی زانیارییەکانی “فووت بۆڵ ئیتاڵیا”، بەڕێوەبەرانی یانەی ئینتەر میلان هەوڵەکانیان بۆ واژۆکردنی گرێبەستی ڕۆدریگۆ دی پاوڵی ئەرجەنتینی و یاریزانی یانەی ئەتلەتیکۆ مەدرید دەستپێکردووە، دەیانەوێت بەشێوەی خواستن بۆ وەرزێک بیگەڕێننەوە بۆ خولی ئیتاڵیا، یاریزانەکەش ڕەزامەندی دەربڕیوە.
هەمان سەرچاوەکە نووسیویەتی، ئیدارەی یانەی ڕۆما تێکچوونی پەیوەندییەکانی نێوان دیبالا و ئیدارەی یانەی یوڤانتۆس بە هەلێکی گونجاو دەزانێت، بۆیە دانوستاندنیان لەگەڵ لێپرسراوی کارەکانیدا کردووە و لەهەمان کاتدا بەڕێوەبەرانی یوڤانتۆس خواستیان لەسەر زانیۆلۆ نیشان داوە، پێشبینیش دەکرێت گواستنەوەکانی دیبالا و زانیۆلۆ بە شێوازی ئاڵوگۆڕ ئەنجام بدرێت.
Roma, sogno #Dybala: primi contatti col suo entourage https://t.co/AORiIBwUaC pic.twitter.com/t4I4kQX2V3
— calciomercato.com (@cmdotcom) April 22, 2022
دیبالا لەکۆی 33 یاریی ئەم وەرزە کە بەشداری تێدا کردووە، 13 گۆڵی تۆمار کردووە، هەموو ئەگەرەکان بەو ئاراستەیەن لە کۆتایی وەرزدا ماڵئاوایی لە یوڤی بکات.
