لیۆنێل مێسی، كاپتنی ئەرجەنتین، بەشێوەیەكی ئاسایی بەشداریی ڕاهێنانەكانی كردووە و بۆ یارییەكەی بەرازیل ئامادەیە.
مێسی بەهۆی ئازاری ئەژنۆیەوە لە یاریی ڕابردوودا بەرامبەر ئۆرۆگوای تەنها 20 خولەك بەشداریكرد.
بەڵام پێش یارییەكەی بەرازیل بەشێوەیەكی ئاسایی ڕاهێنانی كردووە و پێشبینیدەكرێت بەشێوەیەكی سەرەكی بەشداریبكات.
جگە لە مێسی، لیۆناردۆ پاریدێس-یش بەشداریی ڕاهێنانەكانی ئەرجەنتینی كردووە و لە پێكان چاكبووەتەوە.
بەرازیل سەركەوتنی بۆ مۆندیال مسۆگەركردووە و ئەرجەنتینیش بە بردنەوەی ئەم یارییە، گەیشتن بەو بۆنە جیهانییە یەكلاییدەكاتەوە.
یارییەكەی ئەرجەنتین و بەرازیل بەرەبەیانی چوارشەممە كاتژمێر 2:30 خولەك بەڕێوەدەچێت.
