بڕیارە ئەمشەو لەخولی ئیسپانیا دوو یاریی دواخراوی هەفتەی چوارەم ئەنجام بدرێن، لە یەكەم یاریدا، ڤیاریاڵ میواندایی ئالاڤێس دەكات، لە دووەم یاریشدا ئیشبیلیە لە سانچێز پیزخوان كاتژمێر 11:30 خولەك ڕووبەڕووی بەرشلۆنە دەبێتەوە.
پێش ئەو یارییە، ئیشبیلیە لە پلەی دووەمی ڕیزبەندیی خولی ئیسپانیا دەبینرێت و شەش خاڵ لە دوای ڕیاڵ مەدریدی پێشەنگەوەیە.
بەرشلۆنەش بە 27 خاڵ لە پلەی هەشتەمدایە و 16 خاڵ لەدوای ڕیاڵ مەدریدی پێشەنگەوەیە.
لەخولی ئیتاڵیاش دوو یاریی بەڕێوەدەچێت، یوڤانتۆس و كالیاری لە ئالیانز ستادیۆم لە كاتژمێر 10:45 خولەك بەیەكدەگەن، لە هەمان كاتدا جەنەوا و ئاتالانتا بەیەكدەگەن.
ئاتالانتا هەفتەی ڕابردوو شكستی هێناوە و جەنەواش لەو كاتەوەی شیفچینكۆ-ی كردۆتە ڕاهێنەر، تا ئێستا هیچ بردنەوەیەكی نەبووە.
یارییەكانی ئەمڕۆ
خولی ئیسپانیا
ڤیاریاڵ – ئالاڤێس 9:00
ئیشبیلیە – بەرشلۆنە 11:30
خولی ئیتاڵیا
جەنەوا – ئاتالانتا 10:45
یوڤانتۆس – كالیاری 10:45
