چاڤی هێرناندێز ڕاهێنەری بەرشلۆنە دڵتەنگە بەو دۆخەى لە چامپیۆنز لیگ و یاریگاى بێرنابیۆ ڕوویداوە و بەڵێنی دا کاری زیاتر بکات بۆ چارەسەرکردنی کێشەکانیان.
وتیشی: ئامانجی سەرەکی بەرشلۆنە بەدەستهێنانی زۆرترین ناسناوە لەم وەرزەدا.
جەختی لەوەش کردەوە کە بۆسکێتس و گارسیا دوو یاریزانی گرنگی ئەوانن و هیچ یاریزانێکیش نییە هەڵە نەکات.
بەشێک لە قسەکانی چاڤی
/ چاوەڕێی ڕکابەرێکی بەهێز دەکەین، ئێمە سەرسامین بەوان، دەتوانن بەرگرییەکی باش بکەن و دەشتوانن فشاری بەردەوام بکەن، ئیمری ڕاهێنەرێکی بەتوانایە و تا ئێستا تەنها سێ گۆڵیان لێکراوە.
/ دەتوانین بە بردنەوە و بەدەستهێنانی سێ خاڵ دۆخەکە بگۆڕین
/ کاتێک دەدۆڕێین ڕەخنە لە هەموومان دەگیرێن، بۆسکێتس یاریزانێکی گرنگە، ئەو کاپتنە و هەمیشە هاوکارمانە، ژورێکی خۆگۆڕینی باشمان هەیە.
/ ڕیاڵ بەشێوەیەکی باش بەرگریی کرد، پانتایی نەهێشت بۆمان، ویستمان پشت بە لایەکان ببەستین، توشی ئاستەنگی بوین و نەمانتوانی وەک پێویست هێرش بەرین
/ سوپاسی هەموو یاریزانەکان دەکەین بەتایبەت گارسیا، ئەو هاوکاری زۆری کردوین و یاریزانەکانیش ئاساییە گەر هەڵە بکەن، بەڕاى من گارسیا بەرگریکارێکی باشەو پیشەگەرە لە ژووری خۆگۆڕیندا.
/ وەرزەکە دوورودرێژە و پێویستە بەردەوام بین لە چاککردنەوەى هەڵەکانمان.
/ بە دڵنییاییەوە پێویستە لەسەر ناسناوەکان بجەنگین، ئامانجی سەرەکیمان بردنەوەى زۆرترین ناسناوە.
/ ئێمە دەبێت لەسەر شێواز و بیرکردنەوەى خۆمان دەجەنگین ، ئەگەر سەرکەوتوو نەبوین پێویستە بەردەوام بین.
/ تیپەکەمان بەشێوەیەکی باش ئامادە کردووە، پێکان دۆخەکەى تێکدا، کاریگەری دروستکردووە.
/ ئێمە دودڵ نین و تەرکیزمان لەسەر یارییەکەى ڤیاریاڵە
/ پێویستە هەندێ چاکسازی بکەین لە ڕووی تەکتیک و لایەنی بەرگریی و هێرشبردنەوە
/ من دەمەوێت دۆخەکە بەهێمنی بڕوات، ئەوەى ڕویدا لە چامپیۆنز لیگ و بێرنابیۆ ئازارم دەدات، بەڵام کاری زیاتر دەکەم، بۆ ئەوەى دۆخەکە بگۆڕم.
