نێیماری بەرازیلی زیاتر لەوادەی خۆی لە یاریكردن دووردەكەوێتەوە و پێكانەكەی لەوە قورسترە كە چاوەڕێ دەكرا.
نێیمار لە یەكێك لە یارییەكانی خوولی تۆپی پێی فەرەنسا تووشی پێكانێكی قورس هات و ئیدارەی پاریسیش پێشبینیدەكرد شەش بۆ هەشت هەفتە دووربكەوێتەوە.
بەڵام ڕاگەیاندنەكان باس لەوە دەكەن كە پێكانی نێیمار لەوە قورسترە كە چاوەڕێ دەكرا و پێشبینیدەكرێت تا مانگی دوو نەتوانێت بگەڕێتەوە بۆ یاریكردن.
لەئێستادا نێیماری بەرازیلی ئامادەكاری دەكات بۆ ئەوەی لایەنی كەم بتوانێت بەشداریی یارییەكانی قۆناغی شانزەی چامپیۆنز لیگ بكات.
