ئیدسۆن ئارانتێس دی ناشیمێنتۆی ناسراو بە “پیلێ”، ئەفسانەی بەڕازیل و مێژوویی تۆپی پێ دیسانەوە دۆخی تەندروستی تێکچووە و لە نەخۆشخانەی “ئالبێرت ئەنیشتاین” لە ساوپاولۆ خەوێندراوە.
نەخۆشخانەکە ڕاگەیاندراوێکی لەبارەی ئەفسانەکەوە بڵاوکردووەتەوە، تیایدا هاتووە، “لە ساڵی 2021وە پیلێ دووچاری شێرپەنجەی کۆڵۆن بووە و دووبارە هەڵسەنگاندنمان بۆ چارەسەرە کیمیاییەکانی کردووە، لە ئێستادا بە پێویستمان زانیوە چاودێری ورد و زیاتری بکەن، چونکە ناوبراو دووچاری شکستبووە لە پرۆسەی چارەسەرکردندا و گورچیلە و دڵی سست بووە.”
پیلێی تەمەن 82 ساڵ، لە چەند ڕۆژی ڕابردوودا پیرۆزبایی سەرکەوتنی مۆندیالی لە ئەرجەنتین و بە تایبەت لە لیۆ مێسی ئەفسانەی ئەو وڵاتەکرد، لە هەمان کاتدا ستایشی توانا ناوازەکەی کیلیان مباپێی کرد و بە باشترین وەسفیکرد.
