كۆمسیۆنی باڵای سەربەخۆی هەڵبژاردنەكانی عێراق، ئەنجامی كۆتایی هەڵبژاردنە پێشوەختەكەی پەرلەمانی ڕاگەیاند.
ژمارەی ئەوانەی مافی دەنگدانیان هەبووە 22 ملیۆن و 116 هەزار و 368 كەس بوون، لەو ژمارەیە نۆ ملیۆن و 629 هەزار و 601 كەسیان دەنگیان داوە.
بەپێی ئەنجامەكان، 721 هەزار و 979 دەنگی پووچەڵ هەبوون كە ڕێژەی 8%ی دەنگەكانیان پێكهێناوە و دەنگە دروستەكانی هەڵبژاردنەكەی 10ی تشرینی یەكەمی ڕابردوو، بریتین لە هەشت ملیۆن و 871 هەزار و 612 دەنگ.
بەپێی ئەنجامی كۆتایی هەڵبژاردن كە كۆمسیۆن بڵاویكردووەتەوە، لە پارێزگای كەركوك كورد شەش كورسی بەدەستهێناوە.
لە پارێزگای نەینەوا لایەنە كوردستانییەكان هەشت كورسی و لە سەڵاحەدین كورسییەك و لە پارێزگای دیالە كورسییەكیان بەدەستهێناوە.
