بەهۆی پێكدادانی نێوان دوو ئۆتۆمبێل لەسەر ڕێگای سەرەكی هەولێر-كەركوك سێ كەس گیانیان لەدەستدا و دووانی دیكەش بە برینداری بۆ نەخۆشخانە گواستراونەتەوە.
نیوەڕۆی ئەمڕۆ لەسەر ڕێگای سەرەكیی هەولێر – كەركوك ڕووداوێكی هاتوچۆ لەنێوان دوو ئۆتۆمبێلی جۆری كیا / سۆرینتۆ و هیۆندای / ئەلنترا ڕوویدا.
پەیامنێرمان لە شوێنی ڕووداوەكەوە پێیڕاگەیاندین، هەردوو ئۆتۆمبێلەكە بە ئاراستەی كەركوك هاتوون و بەرامبەر گوندی بیبانی پێكیانداداوە، بەهۆیەوە ئۆتۆمبێلی جۆری هیۆندایەكە بەتەواوی سووتاوە.
وتیشی، لە ئاكامی ڕووداوەكەدا سێ كەس گیانیان لەدەستداوە و دوو كەسی دیكەش بە برینداری ڕەوانەی نەخۆشخانە كراون.
شوێنی ڕووداوەكە 25 كیلۆمەتر لە سەنتەری شاری كەركوكەوە دوورە.
