گواردیۆلا، ڕاهێنەری مانچستەر سیتی پیرۆزبایی لە یاریزانەكان كرد بەبۆنەی ئەو ئاستە بەرزەی بەرامبەر پاریس سان جێرمان پێشكەشیان كردووە.
لە گەڕی پێنجەمی قۆناغی كۆمەڵەكانی چامپیۆنز لیگ، یانەی مانچستەر سیتی بە ئەنجامی دوو گۆڵ بەرامبەر بە گۆڵێك لە یانەی پاریس سان جێرمانی بردەوە.
گواردیۆلای ڕاهێنەری مان سیتی ستایشی ئاستبەرزیی یاریزانەكانی كرد و پیرۆزبایی گەیشتن بە قۆناغی شازدەی لێكردن.
پێپ وتی، “ڕازیم بەو ئاستەی یاریزانەكان پێشكەشیان كرد و ئەگەر بەم جۆرە بەردەوام بین، گەیشتنمان بە یاریی كۆتایی نزیك دەبێت”.
گواردیۆلا سوپاسی هاندەرانیشی كرد كە بە درێژایی یارییەكە پشتگیرییان كردوون.
