هاوپەیمانیی فەتح داوای هەڵوەشاندنەوەی ئه‌نجامه‌كانى هەڵبژاردنی ئه‌نجومه‌نى نوێنه‌رانى عێراق دەكات، سه‌ركرده‌یه‌كى هاوپه‌یمانێتییه‌كه‌ش ئاشكرایكرد، به‌فه‌رمى داوای یاساییان بۆ ئه‌و مه‌به‌سته پێشكەشكردووە.
مەحمود ڕەبیعی، وتەبێژی بزوتنەوەی حقوق سەر بە عەسائیبی ئەهلی حەق، كە لەچێوەی هاوپەیمانیتیی فەتحدایە، له زنجیره تویتێكدا كه له هه‌ژمارى تایبه‌تى خۆی له تۆڕی كۆمه‌ڵایه‌تیی تویته‌ر بڵاویكردوونه‌ته‌وه، نووسیویه‌تى،”هاوپەیمانیی فەتح داوایەكی یاسایی پێشكەش بە دادگای باڵای فیدراڵی كردووە، بۆ هەڵوەشاندنەوەی ئه‌نجامى هه‌ڵبژاردنى ئه‌نجومه‌نى نوێنه‌ران”.
باسی له‌وه‌شكردووه، “به‌فه‌رمى بەڵگەی هونەری و یاسایی لەگەڵ داواكارییەكەیاندا هاوپێچكراوە، هەروەها داواشكراوە تا یەكلاییكردنەوەی داواكەیان، ڕاگەیاندنی ئەنجامی كۆتایی هەڵبژاردن دوابخرێت”.
داواكارییەكەی فەتح بۆ هەڵوەشاندنەوەی ئەنجامەكانی هەڵبژاردن لەكاتێكدایە، هاوپه‌یمانیی فه‌تح له‌م هه‌ڵبژاردنه‌دا ژماره‌ى كورسییه‌كانى به‌شێوه‌یه‌كى به‌رچاو كه‌میكردووه و دواى جیاكردنه‌وه‌ى تانه‌ى لایه‌نه‌كان له‌سه‌ر ئه‌نجامه‌كانى هه‌ڵبژاردن، ژماره‌ى كورسییه‌كانى فه‌تح گه‌یشته 18 كورسی
