وەزارەتی دەرەوەی عێراق رایگەیاند، یەکەم گەشتی گواستنەوەی هاوڵاتییانی عێراقییان لە وڵاتی سودانەوە دەستپێکردووە، ئەمەش دوای ئەوەی ئاڵۆزییەکانی ئەو وڵاتە بەردەوامە و ژمارەی کوژراو و بریندارەکان بەردەوام لە بەرزبوونەوەدان.
ئاماژە بەوەکراوە، کە دوو فڕۆکە بەمەبەستی گەڕاندنەوەی هاوڵاتییانی عێراقی تەرخانکراون، لە بنکەی ئاسمانیی شەهید عەلا-وە لە بەغداد بەرەو فڕۆکەخانەی پۆرت سودان فڕیوە و لەو وڵاتەوە هاوڵاتییانی عێراقی دەگوازێتەوە.
رۆژی سێشەممە وەزارەتی دەرەوەی عێراق داوای لە هاوڵاتییانی عێراقی لە سودان کرد کە لەڕێگەی پاسی دابینکراوەوە ناوچەکانیان چۆڵکەن و لە پۆرت سودان کۆببنەوە.
