هەردوو سەرۆك وەزیرانی عێراق و پۆڵەندا، پاراستنی شكۆی كۆچبەرانی سەر سنوورەكانی بیلاڕوسیا و پۆڵەندا و چارەسەركردنی كێشەكانیان تاوتوێدەكەن.
بەپێی ڕاگەیەندراوێكی نووسینگەكەی، مستەفا كازمی سەرۆك وەزیرانی عێراق پەیوەندییەكی تەلەفۆنی لە ماتوش مۆراڤیتسكی سەرۆك وەزیرانی پۆڵەنداوە پێگەیشتووە.
هەردوولا پەیوەندییەكانی عێراق و پۆڵەندا و یەكێتیی ئەوروپا و چۆنێتیی پەرەپێدانیان لە هەموو بوارەكاندا تاوتوێكردووە. كازمی ڕایگەیاندووە كە یەكێتیی ئەوروپا هاوبەشێكی سەرەكییە بۆ عێراق و كاردەكەن بۆ هاوئاهەنگیی زیاتر لە داهاتوودا، وەك ڕاگەیەندراوەكە ئاشكرایكردووە.
نووسینگەی سەرۆك وەزیرانی عێراق دەڵێت، “سەرۆك وەزیرانی پۆڵەندا پشتیوانیی وڵاتەكەی بۆ عێراق و حكومەتەكەی دەربڕیوە و لەگەڵ كازمیدا باسی كۆچبەرانیان كردووە، ڕێگەكانی لابردنی كۆژانی سەر كۆچبەرانی عێراقییان تاوتوێكردووە بەشێوەیەك كە شكۆیان پارێزراوبێت و كێشەكانیان چارەسەربكرێن”.
