چاڤی یاسای نوێی بۆ بەرشلۆنە داناوە

چاڤی هێرناندێز ڕاهێنەری بەرشلۆنە كۆمەڵێك یاسا و ڕێكاری نوێی بۆ یاریزانەكان داناوە و ناچاریكردوون پابەندبن پێیەوە.

چاڤی لەوكاتەوەی بووەتە ڕاهێنەری بەرشلۆنە، سێ كەسی لە تیمی ڕاهێنەرانی جەستەیی دوورخستۆتەوە و پزیشكی یانەكەشی گۆڕیوە.

ئەمە جگە لەوەی چەند یاسایەكی نوێی داناوە بۆ یاریزانەكان و ناچاریكردوون پابەند بن پێیەوە.

یاسا نوێیەكانی چاڤی ڕاهێنەری نوێی بەرشەلۆنە

1- پێویستە یاریزانەكان نیو كاتژمێر پێش كاتی دەستپێكردنی ڕاهێنانەكان بگەنە بارەگای یانەكە.

2- فەرمانبەرەكانی بەرشەلۆنە پێویستە دوو كاتژمێر زووتر پێش ڕاهێنانەكان ئامادەبن.

3- یاریزانەكان دەبێت نانی بەیانی و نیوەڕۆ لە سیوتات ئیسپۆرتیڤا بخۆن.

4- بەندی پێبژاردنی یاریزانەكان چالاكدەكرێتەوە.

5- 48 كاتژمێر پێش یارییەكان نابێت یاریزان درەنگ بڕواتەوە بۆ ماڵەوە

6- هەر یاریزانێك باش ڕاهێنانی كرد، یاریی پێدەكرێت، هەر یاریزانێكیش ساردوسڕ بوو، یاریی پێناكرێت

7- یاریزانەكان پێویستە وێنەی بەرشەلۆنە بەجوانی پیشانبدەن

8- چاودێریكردنی چالاكییە وەرزشییەكان