پیپ گواردیۆلا دڵتەنگە بەو دۆخەی بەسەر تیپەكەیاندا ڕوویداوە و پێشیوایە بە ئاسانی لە بیری ناكەن.
پاش شكستی مانچستەر سیتی بەرامبەر ڕیاڵ مەدرید، گواردیۆلای ڕاهێنەری مانچستەر سیتی ئاشكرایكرد، ئەوان بە ترسەوە یارییان كردووە و ئەوەش هۆكاربووە بۆ ئەوەی توشی شكست ببن.
وتیشی: پێویستمان بە كاتە تا ئەو دڵتەنگییە لەیاد بكەین.
پوختەی قسەكانی گواردیۆلا:
🗣 ” ئێمە نزیك بووین بە گەیشت بۆ یاری كۆتایی، بەڵام نەمانتوانی”
🗣 “لە تایمی یەكەم یاریمان نەكرد بەڵام زەحمەتی زۆرمان نەبینی”
🗣 “لە تایمی دووەم گۆڵێكمان كرد بەڵام بە ترسەوە یاریمان كرد”
🗣 “یاریزانەكانمان دڵتەنگن بەو ئەنجامە پێویستمان بە كات هەیە بۆ مامەڵە كردن لەگەڵ ئەو دۆخە”
🗣 “ئێمە نزیک بووین، بەڵام لە تۆپی پێ ئەنجامی چاوەڕوان نەکراو هەیە ، وە دەبێت ئەوە قبوڵ بکەین.”
