تۆمەتبارێك بە مامەڵە و بەكارهێنانی ماددەی هۆشبەر لەلایەن هێزەكانی ئاسایشی سلێمانییەوە دەستگیركرا.
بەڕێوەبەرایەتیی ئاسایشی سلێمانی ڕایگەیاند، پاش دەستخستنی زانیاری وورد لەسەر کەسێک بە ناوی (ع.ش.ف.) كە خەریکی مامەڵە و بەکارهێنانی ماددەی هۆشبەرە، پاش ئاگادارکردنی دادوەری لێکۆڵینەوەی ئاسایش و لەسەر فەرمانی دادوەر هێزەکانی ئاسایش تۆمەتباری ناوبراویان دەستگیركرد.
هەروەك پاش پشکنینی ماڵەکەی دەستگیرا بەسەر بڕێک ماددەی هۆشبەر و کەرەستەی پێوان و بەکارهێنان.
ئاسایشی سلێمانی دەڵێت، لەئێستادا تۆمەتبار لەسەر فەرمانی دادوەر بەپێی ماددەی (25)ی یاسای بەرەنگاربوونەوەی ماددەی هۆشبەر ڕاگیراوە و لێکۆڵینەوە لەگەڵیدا بەردەوامە.
