یانەی لیڤەرپوڵی ئینگلیزی هەموو هەوڵەکانی بەگەڕخستووە بۆ گواستنەوەی یەکێک لە ئەستێرەکانی یانەی بەرشلۆنە.
بەپێی زانیارییەکانی ڕۆژنامەی موندۆ دیپۆرتیڤۆ، بەڕێوەبەرانی یانەی لیڤەرپوڵ لەسەر ڕاسپاردەی یۆرگن کلۆپ هەوڵەکانیان بە ئاڕاستەی عوسمان دێمبیلی هێرشبەری فەرەنسی دەستپێکردووە، ئامانجیانە لە گواستنەوەکانی هاوینی 2022 ڕەشئەسمەرەکەی فەرەنسا بەبێ بەرامبەر دابینبکەن.
کلۆپ بیر لەوەدەکاتەوە، دێمبیلی وەک ڕکابەری محەمەد سەڵاح و سادیۆ مانێ لە باڵەکانی هێرشبەرییەوە بەکاربخات، بۆ ئەو مەبەستە ئامادەیی نیشانداوە تەواوی داخوازی و مەرجی یاریزانەکە جێبەجێبکات.
عوسمان دێمبیلی لە هاوینی 2022 گرێبەستی لەگەڵ بەرشلۆنە کۆتاییدێت و تاوەکو ئەم ساتە بەڕێککەوتنێک نەگەیشتووە بۆ نوێکردنەوەی، چەندینجار ئیدارەی یانە کەتەلۆنییەکە داوایان لێکردووە بە ئۆفەرە نوێیەکان قایلبێت، تاوەکو لە هاوینی 2022 ناچارنەبن بێبەرامبەر دەستبەرداریبن.
