کۆمسیۆنی باڵای سەربەخۆی هەڵبژاردنەکانی عێراق ڕایگەیاند، تا ئێستا هیچ بڕیارێک نەدراوە بۆ درێژکردنەوەی وادەی دەنگدان و پرۆسەکە درێژناکرێتەوە.
لە کۆنگرەیەکی ڕۆژنامەوانیدا بەشی پەیوەندیی گشتیی کۆمسیۆن ڕایگەیاند، “پرۆسەی تیروپشک بۆ چەند وێستگەیەک بەڕێوەدەچێت بۆ ژماردنەوەی دەستیی دەنگەکان، تا بزانرێت لەگەڵ دەنگدانە ئەلیکترۆنییەکەدا هاوتایە، یان نا”.
کۆمسیۆنی باڵای هەڵبژاردنەکان ئاشکراشیکردووە، “لەماوەی 24 کاتژمێردا دوای تەواوبوونی دەنگدان، ئەنجامی بەرایی دەنگدان ڕادەگەیەندرێت”، وتیشی، ماوەی دەنگدان درێژناكرێتەوە.
ئەمڕۆ لە کاتی بەڕێوەچوونی دەنگدانی گشتیدا بەشێک لە لایەنەکان گلەییان لەوە هەبووە ئامێرەکان هەندێک کەموکوڕیان هەبووە، بەڵام کۆمسیۆن دەڵێت ئامێرەکان کاردەکەن و کاتژمێر شەشی ئێوارە بەشێوەیەکی ئۆتۆماتیکی لەکاركردن دەوەستن.
