چاڤی هێرناندێز-ی ڕاهێنەری یانەی سەد-ی قەتەری، دەرگای بەڕووی یانەی بەرشلۆنە كردەوە، بۆ وەرگرتنی پۆستی ڕاهێنەرایەتی یانە كەتەلۆنییەكە.
لەماوەی ڕابردوودا و پاش فشارەكان بۆ دەركردنی ڕۆناڵد كومان، دەنگۆی نزیكبوونەوەی چاڤی لە ڕاهێنەرایەتی بەرشلۆنە زۆرتربوون.
لە لێدوانێكیدا چاڤی وتی، “هەر گرێبەستێكم پێشكەش بكرێت بیری لێدەكەینەوە و دواتر بڕیار دەدەین”.
كوڕە ئیسپانییەكە ڕاشیگەیاند، “نازانم داهاتووم لەكوێ دەبێت، بەڵام هەموو ئەگەرەكان كراوەن”.
لەماوەی رابردوودا ئاماژە بەوەدرا پەیوەندییەكانی خوان لاپۆرتا-ی سەرۆكی بەرشلۆنە و چاڤی هێرناندێز بەرەو باشی چوون و هەموو ئەگەرەكان بۆ ئەوەن لە داهاتوویەكی نزیكدا بیگەڕێننەوە بۆ ئیسپانیا.
