یەکەم منداڵی عێراقی، ئەمڕۆ شەممە ژەمی یەکەمی ڤاکسینی کۆرۆنای لە جۆری فایزەر وەرگرت.
جاسم حوجامی بەڕێوەبەری گشتیی تەندروستیی کەرخ-ی بەغداد ڕایگەیاند، “ئەو منداڵەی ڤاکسینەکەی وەرگرتووە کوڕی خۆمە و تەمەنی 13 ساڵە”.
ئەمە دەبێتە یەکەم حاڵەت لە عێراقدا، کە لە تەمەنی 13 ساڵیدا ڤاکسینی کۆرۆنای ورگرتبێت.
تاوەکو ئێستا پێشنیارەکانی سیستمی تەندروستیی بەشێك لە وڵاتان و کۆمپانیاکانی بەرهەمهێنانی ڤاکسین بۆ پێدانی ڤاکسین بە منداڵان و نەوجەوانان وەڵامدانەوەی ئەرێنیی نەبووە، ڕێکخراوی تەندروستیی جیهانیش ڕەزامەندیی لەسەر هیچ یەکێک لەو پێشنیازانە بۆ پێدانی ڤاكسین بە منداڵان نەداوە.
