لە گەڕەکی پەنجا عەلی لە شاری کەرکوک دەستڕێژی گوللـە لە مەفەرەزەیەکی پۆلیس کراوە و بەهۆیەوە دوو ئەفسەر و پۆلیسێک برینداربوون.
درەنگانی شەوی ڕابردوو هەینی، مەفرەزەیەکی پۆلیس هەوڵی دەستگیرکردنی ژمارەیەک ماتۆڕسواریان داوە، لەوکاتەدا دەستڕێژی گوللـە لە هێزەکانی پۆلیس کراوە و دوو ئەفسەر و پۆلیسێک برینداربوون.
ڕووداوەکە لە گەڕەکی پەنجا عەلی لە شاری کەرکوک ڕوویداوە.
ئەمە لەکاتێکدایە دوێنێ هەینی دەنگدانی تایبەت لەسەرجەم پارێزگاکانی عێراق بۆ هەموو هێزە ئەمنی و سەربازییەکانی عێراق بەڕێوەچوو، سەرجەم هێزە ئەمنییەکانی عێراقیش لە حاڵەتی ئامادەباشیدان بۆ پاراستنی ئەمنییەتی پرۆسەی دەنگدانی گشتی.
