سێرجینۆ دێست، یاریزانی هەڵبژاردەی ئەمریكا لەیارییەكەی جامایكا لە پاڵاوتنی مۆندیال، تووشی پێكان هات و یاریگای جێهێشت.
دێست بەهۆی زۆریی ئازاری ئەژنۆیەوە نەیتوانیوە یارییەكەی ئەمریكا بەرامبەر جامایكا تەواوبكات و یاریگای جێهیشتووە.
پێكانی دێست هاوكاتە لەگەڵ دووركەوتنەوەی هەریەك لە یاریزانان دیمبێلی و ئەگوێرۆ و برایسوایت لە ڕیزەكانی بەرشلۆنە، كە ئەوانیش پێشتر هەر بەهۆی پێكانەوە نەیانتوانیوە یاریی بكەن.
هەردوو یاریزان ئانسو فاتی و كۆتینیۆ-ش بەم دواییە لە پێكان گەڕاونەتەوە و هێشتا لە ڕووی توانای جەستەییەوە بۆ یاریكردنی تەواوەتی ئامادەنین، هەرچەندە پێدەچێت دوای یارییە نێودەوڵەتییەكان، شیاوی یاریكردن بن.
