پێنج یاریزانی ڕیاڵ مەدرید بەهۆی كۆرۆناوە بۆ ماوەی 10 ڕۆژ لە یاریكردن دووردەكەونەوە، بەڵام مۆدریچ پشكنینەكەی نێگەتیڤ دەرچووە.
لە پشكنینی یەكەمدا هەردوو یاریزان مارسیلۆ و مۆدریچ پشكنینەكانیان پۆزەتیڤ بووە و هەردووكیشیان چوونە ژێر چاودێریی پزیشكییەوە.
دواتر لە پشكنینی دووەمدا دەركەوت چوار یاریزانی تر توشبووی كۆرۆنان، ئەوانیش ئەسێنسیۆ، گاریس بەیڵ، لۆنین و ڕۆدریگۆ بوون.
بەپێی ڕاگەیاندنی تیمی پزیشكیی ڕیاڵ مەدرید بێت، مۆدریچ كۆرۆنای بەزوویی تێپەڕاندووە و دوایین پشكنین كە بۆی كراوە، نێگەتیڤ بووە.
ڕیاڵ مەدرید بە 42 خاڵ پێشەنگی ڕیزبەندی خولی ئیسپانیای گرتووە و یارییەكەی یەكشەممەشی بەرامبەر قادش، تا ئێستا دوانەخراوە.
