هاوسەرگیری لەگەڵ 33 ژندا كردووە و دەڵێت “لەپێناو خودا”دا بووە

پیاوێكی میسری هاوسەرگیری لەگەڵ 33 ژندا كردووە و وەك خۆی دەڵێت، هەموو هاوسەرگیریكردنەكان بەمەبەستی “حەڵاڵكردن”ی گەڕانەوەی ئەو ژنانە بووە بۆلای هاوسەرەكانیان.

محەمەد مەلاح، پیاوێكی میسرییە و لە چاوپێكەوتنێكی تەلەڤیزیۆنیدا باسی لەوە كرد كە 33 ژن پاش ئەوەی لە هاوسەرەكانیان جیابوونەتەوە و دواتر ویستوویانە بگەڕێنەوە بۆلای مێردەكانیان، ئەو مارەیكردوون.

بەپێی وتەی خۆی، ئەو كارەی “لەپێناو خودا”دا كردووە و تەنها ئامانجی پێكهاتنەوەی خێزانەكان و گەڕانەوەی ژن و مێردەكان بۆلای یەكدی بووە.

لەبارەی چۆنێتی دەستپێكردنی ئەم كارەوە محەمەد مەلاح دەڵێت، “ڕۆژێك ژنێكی هاوكارم لە فەرمانگە پێیوتم ژنێكی هاوڕێی لە هاوسەرەكەی جیابووەتەوە و ئێستا دەیانەوێت دووبارە هاوسەرگیری بكەن، بۆچی لەپێناوی خودادا هاوسەرگیریی كاتی لەگەڵدا ناكەیت؟، منیش بەوە قایلبووم و كارەكەم ئەنجامدا”.

ئاماژە بۆ ئەوەش دەكات كە دوای ئەو هاوسەرگیرییە، چەندین جاری تر هاوڕێ و ناسیاوەكانی داوایان لێكردووە هەمان كاربكات و هەموو ئەو هاوسەرگیرییانەشی كە كردوونی و تا ئێستا ژمارەیان گەیشتووەتە 33 هاوسەرگیری، لەڕووی شەرعییەوە تەواوبوون و هەموو مەرجەكانیان تیادا بووە، درێژترین ماوەی هاوسەرگیریش كە كردبێتی هەفتەیەك بووە.

بابەتی پێشتر

كامێرای 108 مێگاپێكسڵ.. هەموو ئەوەی دەتەوێت لەبارەی گالاكسی ئێس 22 ئەڵترا-وە بیزانیت

بابەتی دواتر

سەركەوت شەمسەدین و ڕێبوار كەریم لە بێدەنگترین پەرلەمانتارەكان بوون

بابەتی پەیوەندیدار
زیاتر ببینە

فەیسبووك بەكارهێنانی ئامرازی ئایینی و سیاسی و سێكسی بۆ كاركردنەسەر بەكارهێنەران قەدەغەدەكات

كۆمپانیای فەیسبووك ڕایگەیاند، بەكارهێنانی ئامرازی ئایینی و سیاسی و سێكسی بۆ كاركردنەسەر بەكارهێنەران لە ڕیكلام و بانگەشەدا قەدەغەدەكات.…
زیاتر ببینە

مێژووی داری کریسمس

بەکارهێنانی دارە هەمیشەسەوزەکان لە جەژنی سەری ساڵ و کریسمسدا مێژوویەکی کۆنی هەیە، بەڵام دواتر وشەی “داری کریسمس” ـی…
Total
0
Share