لیۆناردۆ بەڕێوەبەری كارەكانی پاریس سان جێرمان پێیوایە ئەوەی ریاڵ مەدرید دەیكات، بێڕێزیكردن و بەرنامەبۆداڕێژراوە.
لە چاوپێكەوتنێكیدا بۆ ڕۆژنامەی لیكیپ-ی فەرەنسی، لیۆناردۆ-ی بەڕێوەبەری كارەكانی پاریس، ڕەخنەی توندی ئاراستەی بەرپرسان و یاریزانەكانی ڕیاڵ مەدرید كرد.
لیۆناردۆ رایگەیاند، “ڕیاڵ مەدرید بێڕێزی دەكات بەرامبەرمان و نابێت بەوجۆرە باسی یاریزانەكانمان بكەن”.
وتیشی، “هەفتەی ڕابردوو كەریم بنزیمە باسی مباپێ-ی دەكرد، دواتر كارلۆ ئەنچیلۆتی، ئەمڕۆش فلۆرێنتینۆ پێرێز”.
بەڕێوەبەری كارەكانی پاریس جەختی لەوەكردەوە، كە مباپێ ئێستا یاریزانی پاریسە و پێویستە ئیدارەی ڕیاڵ مەدریدیش ڕێز لەوە بگرێت و واز لە هەوڵەكانی بێنێت.
