کلیمۆنت لۆنگلێت، بەرگریکاری فەرەنسی یانەی بەرشلۆنە لەگەڵ یانەی تۆتنهام هۆتسپێرز بە ڕێککەوتن گەیشتووە، داواشی لە ئیدارەی بارسا کردووە ڕێگری لە گواستنەوەی نەکەن.
بەپێی زانیارییەکانی ڕۆژنامەی “موندۆ دیپۆرتیڤۆ” ، لۆنگلێت لەلایەن چاڤی هێرناندێزەوە گڵۆپی سەوزی بۆ داگیرسێنراوە تاوەکو ڕوو لە یانەیەکی دیکە بکات، ئەوەش دەرگای بەڕووی یانەی تۆتنهام-دا کردووەتەوە گرێبەستی پێشکەش بکەن.
لە ئێستادا یانەی بەرشلۆنە چاوەڕوانی ڕێککەوتنی کۆتایی نێوان یاریزانەکە و ئیدارەی یانەی تۆتنهامە، یاریزانەکەش داوای لە یانە ئیسپانییەکە کردووە ڕێزی بڕیارەکەی بگرن و ڕێگری لە گواستنەوەی نەکەن.
موندۆ نووسیویەتی، لۆنگلێت هیواخوازە وەرزی نوێ لەژێر چاودێری ئەنتۆنیۆ کۆنتیی ڕاهێنەری ئیتاڵی دەستبەکار بکات.
لۆنگلێت بە درێسی یانە کەتەلۆنییەکەوە 160 یاری کردووە، حەوت گۆڵ و سێ ئەسیستی تۆمار کردووە، دوایین بۆندی تاوەکو 2026 واژۆ کردووە و گواستنەوەی بۆ تۆتنهام 12 ملیۆن یورۆی تێدەچێت.
