ڕێككەوتنی ئۆپیك پڵەس بووەتەهۆی ئەوەی نرخی نەوت بەردەوام ڕوو لە بەرزبوونەوە بكات و نرخی بەرمیلێك نەوت گەیشتە سەروو 83 دۆلار.
ئێوارەی ئەمڕۆ سێشەممە لەگەڵ داخستنی بازاڕەكانی نەوتدا، نرخی بەرمیلێك نەوتی برێنت بۆ 83.6 دۆلار بەرزبووەوە.
ئاژانسی ڕۆیتەرز بڵاویكردەوە، هۆكاری بەرزبوونەوەی بەردەوامی نرخی نەوت بۆ ڕێككەوتنەكەی ئۆپیك پڵەس و بەردەوامبوونی ڕێكخراوەكە لەسەر زیادكردنی 400 هەزار بەرمیل نەوتی ڕۆژانە دەگەڕێتەوە، لەکاتێکدا پێشبینی ئەوە دەكرا كە 800 هەزار بەرمیل نەوتی ڕۆژانە زیادبكات.
ئاژانسەكە باسی لەوەشكردووە، سەرەڕای فشاری وڵاتان بۆسەر ڕێکخراوی ئۆپێک بۆ ئەوەی ئاستی بەرهەمهێنان بەرزبکاتەوە، تائێستا ڕێكخراوەكە ترسی لە دەرهاویشتەکانی شەپۆلی چوارەمی کۆرۆنا هەیە.
