ڕاهێنەری پاریس پێیوایە شكستەكەی بەرامبەر ڕین لە ئەستۆی هەموو یاریزانەكانە و خۆشی خستە ڕیزی كەمتەرخەمەكانەوە.
ڕین بە دوو گۆڵی بێبەرامبەر لە پاریسی بردەوە، بەڵام بەو شكستەشەوە، پاریس هەر پێشەنگی خولی فەرەنسی گرتووە.
پۆچتینۆی ڕاهێنەری پاریس ئاماژەی بەوەدا، كە سەرجەم یاریزانەكان هۆكاربوون بۆ ئەوەی لە سەرەتای تایمی دووەم گۆڵیان لێبكرێت.
وتیشی، “كەمتەرخەمییەكە لە منەوە بوو بۆ سەرجەم یاریزانەكان و پێویستە لە یەكەم خولەكەوە سەرنجمان لەسەر یارییەكە بێت، تا دواخولەك”.
پێشی وایە كاتی یارییەكە دوای ئەنجامدانی یارییەكی بەهێزی چامپیۆنز لیگ بووە (بەرامبەر مان سیتی) و یانەی ڕین-یش سوودی لەو هەلە وەرگرتووە.
