یانەی پاریس سان جێرمان لە نۆیەم ڕوبەڕوبوونەوەی وەرزی 2021-2022ی خولی فەرەنسا، دۆڕاندنی بەرامبەر ستاد ڕینس تۆمارکرد.
ئەمڕۆ یەکشەممە، یانەی پاریس سان جێرمان لە ڕۆزاون پارک بە ئامادەبوونی مێسی و نێیمار و مباپێ و تەواوی ئەستێرەکانییەوە ڕوبەڕووی یانەی ستاد ڕینسی خاوەن یاریگا بووەوە، یانەی خانەخوێ بە ئەنجامی دوو گۆڵی بێوەڵام بردنەوەی تۆمارکرد.
گۆڵەکانی ڕینس لە خولەکەکانی 45 و 56 لەلایەن گایتان لابۆردی و ڤلاڤین تایتەوە تۆمارکران.
https://streamable.com/fajd11
بەپێی ئەنجامە تۆمارکراوەکە، ئەستێرەکانی ماوریسیۆ پۆچتینۆ بە 24 خاڵەوە لە لوتکەی ڕیزبەندیی یانەکانی لیگا 1 بەردەوامبوون، لەبەرامبەردا یانەی ستاد ڕینس بەکۆکردنەوەی 12 خاڵ لە پلەی 14وە بۆ حەوتەم سەرکەوت.
پاریس سان جێرمان لەم وەرزەدا 24 خاڵی کۆکردووەتەوە، نزیکترین ڕکابەر لێیانەوە یانەی لێنسە کە خاوەنی 18 خاڵە.
