لیۆنێل مێسیی ئەرجەنتینی لە ئەزموونی یاریكردنی بۆ پاریس سانجێرمان دڵخۆشنییە.
زۆربەی ڕۆژنامەكانی فەرەنسا كۆكن لەسەر ئەوەی كە مێسی تا ئێستا ئەو كەشەی بۆ دروستنەكراوە كە لە ئیسپانیا هەیبوو.
بەپێی ڕاگەیاندنەكان، مێسی خانووەكەی تەنها 300 مەتر دووجایە و هیچ پێداویستییەكی دڵخۆشكردنی خۆی و خێزانەكەی تێدا نییە.
باسیش لەوە دەكەن كە مێسی گەیشتووەتە ئەو بڕوایەی بەدەستهێنانی ناسناوی خوولی یانە پاڵەوانەكانی ئەوروپا لەگەڵ پاریس ئەستەمە.
جگە لەوەی ڕكابەریكردنی خوولی فەرەنساش لە ئاستێكی نزمدایە و تینوویی تواناكانی ئەو ناشكێنێت.
لە ئیسپانیاش ڕۆژنامەی ماركا ئاشكرایكردووە، ژووری خۆگۆڕینی یاریزانەكان بوون بە دوو بەشەوە، هەندێكیان یاریی بۆ باشبوونی مێسی دەكەن و هەندێكیشیان دژی وەستاونەتەوە.
سەرباری ئەوەی پۆچتینۆی ڕاهێنەر تا ئێستا نەیتوانیوە كۆنتڕۆڵی ئەو دۆخە بكات و ئاستی تیپەكەش وەك پێویست نییە.
