بەهۆی پێکانەوە، دوو ئەستێرەی یانەی یوڤانتۆس لە دوو ڕووبەڕووبوونەوەی بەهێزی یانەکەدا بەشداریناکەن.
ڕۆژنامەی کۆرێری دێلۆ سپۆرتی ئیتاڵی ئاشکرایکردووە، بەهۆی پێکانەوە هەریەک لە پاولۆ دیبالا و ئەلڤارۆ مۆراتا پێناچێت لە دوو ڕووبەڕووبوونەوەی داهاتووی یانەی یوڤانتۆس بەشداریبکەن.
یەکەم یاریی بەرامبەر چێڵسی ڕێکەوتی 9/29 (چوارشەممە) لە قۆناغی کۆمەڵەکانی چامپیۆنز لیگ ئەنجامدەدرێت، دووەم یاری ڕێکەوتی 10/2 (شەممە) لە چێوەی یارییەکانی هەفتەی حەوتەمی کالچیۆ بەرامبەر یانەی تۆرینۆ ئەنجامدەدرێت.
لەدوای ئەو دوو ڕووبەڕووبوونەوەیە، تاوەکو 17ی تشرینی یەکەم پشووەکانی فیفا دێتە بەردەم یاریزانان و لەو وادەیەدا (10/17) بەرامبەر یانەی ڕۆما ئەگەر هەیە دووانەی ناوبراو بگەڕێنەوە.
بەپێی زانیارییەکانی کۆرێری، دیبالا دووچاری کشانی ماسولکەی ڕانی چەپ بووە، مۆراتاش دووچاری پێکانێکی ماسولکەیی نامەترسیدار بووە.
