بەهۆی یارینەكردنی بەشێوەیەكی سەرەكی، دۆناروما-ی گۆڵپارێزی ئیتاڵی دەیەوێت ڕیزەكانی پاریس سانجێرمان جێبهێڵێت.
لە هاوینی ئەمساڵ، دۆناروما بەهۆی كۆتاییهاتنی گرێبەستەكەیەوە، ڕیزەكانی میلان-ی جێهێشت و بەخۆڕایی پەیوەندی بە یانەی پاریس سانجێرمانەوە كرد.
پۆچتینۆ-ی ڕاهێنەری پاریس لە زۆربەی یارییەكاندا پشت بە كایلۆر ناڤاس-ی كۆستاریكی دەبەستێت و دۆنارومای وەك گۆڵپارێزی یەدەگ داناوە، ئەوەش لاوە ئیتاڵییەكەی تووڕەكردوە و بەنیازی جێهێشتنی پاریسە.
دۆناروما كە لە یۆرۆی 2020 وەك باشترین یاریزان دەستنیشان كرا، پێشتر لەلایەن چەندین یانەی گەورەی ئەوروپاوە چاودێری دەكرا و لە ئێستاشدا یوڤانتۆس ئامادەیە بیگەرێنێتەوە بۆ ئیتاڵیا.
