بۆ جاری دووەم لەسەریەك، یانەی یۆڤانتۆس توانی سەركەوتن بەدەستبهێنێت و ئەمجارە لە یاریگای خۆی سێ بە دوو لە سامپدۆریای بردەوە.
یارییەكەی یۆڤانتۆس و سامپدۆریا لە میانەی یارییەكانی هەفتەی شەشەمی خولی تۆپی پێی ئیتاڵیا بوو.
سێ گۆڵەكەی یۆڤانتۆس دیبالا و پۆنۆچی و لۆكاتێلی تۆماریانكرد.
https://streamable.com/ng3qz7
یۆڤانتۆس لە چوار یاریی سەرەتای خولی ئیتاڵیا تەنها دوو خاڵی كۆكردەوە، بەڵام لە دوو یاریی ڕابردوودا شەش خاڵی بەدەستهێناوە، ئەوەش خستوویەتییە پلەی هەشتەمی ڕیزبەندیی خولەكەوە.
لەو یارییەدا دیبالای ئەرجەنتینی تووشی پێكان هات و ئەگەر زۆرە لە یاریی داهاتوودا نەتوانێت بەشداریبكات.
