گڕی گڕکانەکەی پالما بووەتەهۆی وێرانبوونی زیاتر لە 300 خانووی ئەو ناوچانەی ئاگری گڕکانەکەیان پێگەیشتووە لە یەکێک لە دورگەکانی ئیسپانیا، کە لە هەفتەی ڕابردوودا تەقیەوە و هەزاران تۆن بەردی ئاگرینی فڕێدایە دەرەوە.
گڕکانەکە سەدان خانووی وێرانکردووە، هەروەها نزیکەی شەش هەزار کەسی ناچاری جێهێشتنی ماڵەکانیان و ئاوارەبوون کردووە، بەڵام ئەو خانووە لەناوەڕاستی کێڵگەیەکی کشتوکاڵیدا بەبێ هیچ زیانێک ماوەتەوە، میدیاکانی جیهان وێنە و ڤیدیۆی ئەو خانووەیان بڵاوکردووەتەوە وەک سەرسوڕمان لە بەرگەگرتنی بەرامبەر گەرمی و دەردراوەکانی گڕکانەکە.
🌋 – NATURAL DISASTERS
Spain: island of La Palma, the ‘Miracle House’ @intelops pic.twitter.com/lr1fSggXxj
— gersariel (@gersariel1) September 24, 2021
میدیا ناوخۆییەکانی ئیسپانیا لەبارەی خانووەکەوە دەڵێن، خاوەندارێتییەکەی دەگەڕێتەوە بۆ دوو هاوسەری دانیمارکی کە تەمەنیان ئێستا نزیکەی 80 ساڵە و ماوەی دوو ساڵە بەهۆی بڵاوبوونەوەی کۆرۆناوە سەردانی خانووەکەیان نەکردووە.
گڕکانەکەی پالما تائێستا بەردەوامە لە تەقینەوە کە ماوەی چەند ڕۆژێکە دەستیپێکردووە و بەپێی پێشبینی زانایانیش ئەگەری هەیە چەند هەفتەیەک بخایەنێت.
