بەڕێوەبەرایەتیی نەوت و کانزاکانی سلێمانی ناوی 10 بەنزینخانەی لە شاری سلێمانی ڕاگەیاندووە، کە بەنزینەکەی بەغداد وەردەگرن و بە 690 دینار دەیفرۆشنە هاوڵاتییان.
پێشتر بەهمەن محەمەد، نوێنەرى بەنزینخانەکانى سلێمانى بە تۆڕی میدیایی ئێستای ڕاگەیاندبوو، “بڕیارە ڕۆژانە 360 هەزار لیتر بەنزینی جۆری نۆرماڵ بگاتە 10 بەنزینخانەی شاری سلێمانی و بە نرخی 690 دینار بۆ هەر لیترێک بە هاوڵاتییان بفرۆشرێت”.
دوێنێ هەڤاڵ ئەبوبەکر، پارێزگاری سلێمانی ڕایگەیاند، ”دوای هەوڵە بەردەوامەکانی وەزارەتی سامانە سروشتییەکان و پارێزگای سلێمانی و بەڕێوەبەرێتیی نەوت و کانزاکان و دڵسۆزان، بڕیارە سبەینێ یەکەم کاروانی بەنزینی تەرخانکراو لەلایەن وەزارەتی نەوتی عیراقەوە بگاتە سلێمانی، نرخی فرۆشتنی بە هاوڵاتییان بە 690 دینار دیاریکراوە.”
بەڕێوەبەرایەتیی نەوت و کانزاکانی سلێمانی ئاشکرایکردووە، بەنزینەکە تەنها بۆناو شاری سلێمانی نییە بەڵکو بۆ قەزا و ناحییەکانیش ڕەوانەدەکرێت.
ناوی ئەو وێستگانەی کە بەڕێوەبەرایەتیی نەوت و کانزاکانی سلێمانی دەڵێت بەنزینی نۆرماڵ بە 690 دینار دەفرۆشن:-
