پێنج فراكسیۆن و ژماره‌یه‌ك په‌رله‌مانتاری سه‌ربه‌خۆی سونی له عێراق هاوپه‌یمانییه‌كی گه‌وره‌یان ڕاگه‌یاند، كه له 35 كورسیی په‌رله‌مانی پێكدێت.
له ڕاگه‌یه‌ندراوێكدا ئه‌مشه‌و 23ی تشرینی یه‌كه‌م دروستكردنی هاوپه‌یمانییه‌كی سونی له عێراق ئاشكرا كرا، كه له پێنج فراكسیۆنی سونه‌كانی عێراق “جبهة الإنقاذ والتنمية وكتلة الجماهير والمشروع العربي والحزب الإسلامي والكتلة العراقية المستقلة” و ژماره‌یه‌ك په‌رله‌مانتاری سه‌ربه‌خۆ پێكدێت.
هه‌ر له‌گه‌ڵ ڕاگه‌یاندنی هاوپه‌یمانییه سونییه‌كه له میدیا عێراقییه‌كانه‌وه ئه‌وه خرایه‌ڕوو كه مه‌به‌ست له دروستكردنی ئه‌و هاوپه‌یمانییه لێدانه له هاوپه‌یمانیی هێزه عێراقییه‌كانی محه‌مه‌د حه‌لبوسی، سه‌رۆكی په‌رله‌مانی عێراق، به‌ڵام له ڕاگه‌یه‌ندراوێكدا، محه‌مه‌د كه‌ربولی، سه‌ركرده له هاوپه‌یمانییه‌كهی سه‌رۆكی په‌رله‌مان ئه‌و ده‌نگۆیانه‌ی ڕه‌تكرده‌وه و ڕایگه‌یاند، “دروستكردنی هێزی سیاسی مافی هه‌ر لایه‌نێكه”.
