ئەنجومەنی وەزیرانی عێراق رایدەگەیەنێت، لەمەوبەدوا سەرجەم گرێبەستە ناوخۆییەكان بە دینار دەبێت و دەشڵێت، “ئەوانەی قەرزداری بانكە حكومییەكانن دەتوانن قەرزەكەیان بە دینار بدەنەوە”.
ئەمڕۆ سێشەممە، ئەنجومەنی وەزیرانی عێراق كۆبووەوە بەپێی راگەیەندراوێكی ئەمیندارێتیی ئەنجومەنی وەزیرانی عێراق تێیدا هاتووە، یەكێك لە بڕگەكانی كۆبوونەوەكە تایبەت بوو بە گرتنەبەری چەند هەنگاوێكی تایبەت بە جێگیركردنی بەهای دینار بەرامبەر بە دۆلار.
لە كۆبوونەوەكەدا ئاماژە بۆ ئەوەش كراوە، لەمەوبەدوا دەبێت سەرجەم گرێبەستە فەرمییە ناوخۆییەكان بە دینار بێت و ئەوانەی بە دۆلار قەرزداری بانكە حكومییەكانن دەتوانن بە دینار بیدەنەوە.
