لە سێیەمین ساڵیادی لەسێدارەدانی ڕامین حسێن پەناهیدا باوکی ڕامین کە بە “خاڵۆ میرزا” ناسراوە، بەهۆی فشاری دەرونییەوە باری تەندروستی تێکچوو، پاشان لە نەخۆشخانە گیانی لەدەستدا، هێزە ئەمنییەکان هەوڵیاندا ڕێگری لە ناشتنی “خاڵۆ میرزا” بکەن، بەڵام خەڵکی گوندی قوروچای ڕووبەڕووی هێزە ئەمنییەکان بوونەوە.
پێشتر هێزە ئەمنییەکان بنەماڵەی ڕامین حسێن پەناهی-یان ئاگادارکردبووەوە کە ڕێگەنادەن پرسەی خاڵۆ میرزا بەڕێوەبچێت، بەڵام هاوڵاتییان بەلێشاو بەشداریی پرسەکەیان کردووە.
ڕامین حسێن پەناهی لە ساڵی 2018دا بەتۆمەتی ئەندامبوون لە حزبی کۆمەڵەدا، لەگەڵ زانیار و لوقمان مورادی ئامۆزای لە کەرەج لەسێدارەدران.
دوای لە سێدارەدانیان ڕامین حسێن پەناهی، لەلایەن هێزە ئەمنییەکانەوە لە شوێنێکی نادیار نێژراوە و ڕێگەنەدرا دایک و باوکی بزانن گۆڕی کوڕەکەیان لەکوێیە.
بەپێی وتەی ئەمجەد حسێن پەناهی، برای ڕامین، هێزە ئەمنییەکان بە بنەماڵەکەیان وتووە نابێت خەڵکی بەشداریی پرسەکەی باوكی ڕامین بکەن، بەڵام لەکاتی ناشتنی تەرمەكەدا کە بەشەو بەڕێوەچووە، خەڵكێکی زۆر بەشدارییانکردووە و هاوکات لە پرسەکەشدا خەڵک کەسوکاری ئەویان بەتەنها جێنەهێشتووە.
“خاڵۆ میرزا” لە تەمەنی 82 ساڵیدا، لە سێیەمین ساڵیادی لەسێدارەدانی کوڕەکەیدا لەهۆشخۆی چوو، دوای سێ ڕۆژ مانەوەی لە نەخۆشخانە گیانی لەدەستدا.
هم اکنون دهستان قروچای، مراسم ختم پدرم ، سپاس از مردم و از شما عزیزان که ما را تنها نگذاشتید.
برای اطلاع تمام عزیزان:
مراسم ختم پدرمان در منزل مادرم در دهستان قروچای در جریان است pic.twitter.com/7f7hJa1zfc— Amjad Hossein Panahi (@amjad_panahi) September 16, 2021
