دژەتیرۆری پارتی ڕاگەیەندراوێكی لەبارەی هێرشەكەی ئەمڕۆی سنووری قەزای ئامێدی بڵاوكردەوە و ڕایگەیاند، “لە ئاكامی هێرشێكی مووشەكی تیرۆریستانی پەكەكەدا دوو هاوڵاتیی شەهیدبوون و دوو هاوڵاتی دیكەش برینداربوون”.
لە ڕاگەیەندراوەكەدا هاتووە، بە گوێرەی زانیارییەكان،” ئێوارەی ئەمڕۆ پێنجشەممە تیرۆریستانی پەكەكە دوو مووشەكیان ئاراستەی گوندی ئەرەدنای سەر بە ناحیەی بامەڕنێی قەزای ئامێدی لە پارێزگای دهۆك كردووە و بەهۆیەوە دوو هاوڵاتی شەهیدبوون و دوو هاوڵاتیی دیكەش برینداربوون”.
ئەوە لەكاتێكدایە پەیامنێری تۆڕی میدیایی ئێستا لە دهۆك ڕایگەیاندبوو، بەهۆی بۆردومانی فڕۆكەجەنگییەكانی توركیاوە دوو هاوڵاتیی لەو سنوورە شەهیدبوون.
