لەلایەن هێزەكانی پۆلیسی چەمچەماڵەوە تۆمەتبارێك دەستگیركرا كە ته‌قه‌ی له دوو هاوڵاتی كردبوو و برینداریكردبوون.
بەڕێوەبەرایەتیی پۆلیسی پارێزگای سلێمانی ڕایگەیاند، دوای ئه‌وه‌ی ڕووداوێكی ته‌قه‌كردن له كۆمه‌ڵگه‌ی قه‌ره‌ناو ڕوویدا و به‌هۆیه‌وه دوو كه‌س برینداربوون، مه‌فره‌زه‌كانی بنكه‌ی پۆلیسی قه‌ره‌ناو گه‌یشتنه شوێنی ڕووداوه‌كه و لێكۆڵینه‌وه‌كانیان بۆ دۆزینه‌وه و ده‌ستگیركردنی تۆمه‌تبار ده‌ستپێكرد.
هه‌مان شه‌و توانرا تۆمه‌تباره‌كه له‌لایه‌ن مه‌فره‌زه‌كانی بنكه‌ی پۆلیسی قه‌ره‌ناو به‌هاوكاریی بنكه‌ی ئاسایشی قه‌ره‌ناو ده‌ستگیربكه‌ن، وەك ئەوەی پۆلیسی سلێمانی ئاماژەی پێداوە.
دەشڵێت، له‌ئێستادا تۆمه‌تبار (ش.ع.م.) به بڕیاری دادوه‌ر و به‌پێی مادده‌كانی (405) و (31) له یاسای سزادانی عێراقی ڕاگیراوه و لێكۆڵینه‌وه‌كان به‌رده‌وامن.
