مستەفا كازمی سەرۆك وەزیرانی عێراق، نامەیەكی دەستنووسی ئیمانوێل ماكرۆن سەرۆكی فەرەنسای پێگەیشت.
بەپێی ڕاگەیەندراوی نووسینگەی سەرۆك وەزیران، ئەمڕۆ چوارشەممە مستەفا كازمی سەرۆك وەزیرانی عێراق، پێشوازی لە ئیریك شوڤالیە باڵیۆزی نوێی فەرەنسا لە عێراق كردووە.
ڕاگەیەندراوەكەی نووسینگەی سەرۆك وەزیران باسی لەوە كردووە كە لە دیدارەكەدا شوڤالیە نامەیەكی دەستنووسی ئیمانوێل ماكرۆن سەرۆكی فەرەنسای ڕادەستی كازمی كردووە، بەبێ ئەوەی هیچ زانیارییەك لەبارەی ناوەڕۆكی نامەكەوە ئاشكرابكات.
ئەوەش خراوەتەڕوو، لەو دیدارەدا پەرەپێدانی پەیوەندییەكانی نێوان عێراق و فەرەنسا تاوتوێكراوە بەتایبەت لە بوارەكانی ئابوری و وەبەرهێنان و فەرهەنگی و ئاسایش و ڕووبەڕووبوونەوەی تیرۆردا. بڕیاریشدراوە بەدواداچوون بۆ بڕیارەكانی كۆنگرەی بەغداد بكرێت كە لە دوو هەفتەی ڕابردوودا بەڕێوەچوو.
