گواستنەوەکانی هاوینەی 2022 بۆ هەندێک لە خولە ناوخۆییەکانی ئەوروپا، لە چەند کاتژمێری داهاتوودا کۆتاییان دێت.
“مێرکاتۆ”ی هاوینی 2022 بۆ هەندێک لە خولە ناوخۆییەکانی ئەوروپا لە 1/7 (تەمموز)، بۆ هەندێکی دیکەشیان لە مانگی حوزەیران (6) دەستی پێکرد، تاوەکو ئێستا چەندین گواستنەوەی هەژێنەر لە نموونەی گرێبەستەکانی لیڤاندۆڤسکی، چوامینی، ڕافینیا، ئانتۆنی، کۆلیبالی و چەندینێکی دیکە واژۆ کران.
بەپێی خشتەی گواستنەوەکان، ئەمشەو (31/8 لەسەر 1/9) وادەی گواستنەوەکان لە خولەکانی هۆڵەندا و نەمسا کۆتاییدێت، بەڵام بۆ هەندێک لە خولەکانی دیکە تاوەکو سبەیشەو کاتژمێر (1:00) بە کاتی هەرێمی کوردستان بەردەوام دەبێت.
لە نموونەی خولەکانی ئەڵمانیا، فەرەنسا، پۆڵەندا، پۆرتوگال، ئیسپانیا، ئینگلتەرا، سکۆتلەندا، بەڵام لە خولی بەلجیکا مێرکاتۆ تاوەکو (6/9)، هەروەها لە خولی تورکیا تاوەکو (8/9) بەردەوامی دەبێت.
