(ڤیدیۆ) نمایشی “ڤینی” و هاتریکی بنزیمه‌ لوتکه‌ی لالیگای به‌خشییه‌ ڕیاڵ مه‌درید

دوای 18 مانگ دابڕان، یانه‌ی ڕیاڵ مه‌درید گه‌ڕایه‌وه‌ بۆ یاریگای سانتیاگۆ بێرنابیۆ و بردنه‌وه‌یه‌کی گه‌وره‌ی به‌رامبه‌ر سێلتا ڤیگۆ تۆمارکرد.

ئه‌مشه‌و یه‌کشه‌ممه‌، یانه‌ی شاهانه‌ له‌ یاریگای سانتیاگۆ بێرنابیۆ میوانداریی سێلتا ڤیگۆی کرد، یارییه‌که‌ به‌ ئه‌نجامی پێنج گۆڵ به‌رامبه‌ر به‌ دوو گۆڵ له‌ به‌رژه‌وه‌ندیی یانه‌ی خانه‌خوێ کۆتاییهات.

گۆڵه‌کانی ڕیاڵ له‌ خوله‌که‌کانی 24، 46، 55، 72، 88 له‌لایه‌ن که‌ریم بنزیمه‌ (هاتریک)، ڤینیسیۆز جونیۆر، ئیدواردۆ کاماڤینگاوه‌ تۆمارکران، گۆڵه‌کانی سێلڤا ڤیگۆ له‌ خوله‌که‌کانی چوار و 31 له‌لایه‌ن سانتی مینا، فرانکۆ چیرڤی-یه‌وه‌ تۆمارکران.

https://streamable.com/upca7j

له‌ ڕووبه‌ڕووبوونه‌وه‌که‌دا، ڤینیسیۆز جونیۆری به‌رازیلی باشترین ئاستی پێشکه‌شکرد، ئیدواردۆ کاماڤینگای فه‌ره‌نسیش له‌ یه‌که‌م به‌شداریکردنیدا گۆڵی تۆمارکرد.

به‌پێی ئه‌نجامه‌ تۆمارکراوه‌که‌، یانه‌ی شاهانه‌ به‌ کۆکردنه‌وه‌ی 10 خاڵ و جیاوازیی گۆڵ لوتکه‌ی لالیگای گرته‌وه‌، له‌ به‌رامبه‌ردا یانه‌ی سێلتا ڤیگۆ به‌ ته‌نها خاڵێکه‌وه‌ له‌ پله‌ی 18دا جێگیربوو.