وتەبێژی پۆلیسی هەولێر ڕایگەیاند، لە قەزای خەبات لەسەر شەڕی منداڵ كێشە لەنێوان دوو بنەماڵە دروستبووە و باوكێك و دوو كوڕ پێکەوە كوژراون.
هۆگر عەزیز، وتەبێژی بەڕێوەبەرایەتیی پۆلیسی هەولێر بە تۆڕی میدیایی ئێستای ڕاگەیاند، “ئەمشەو ڕووداوێکی کوشتن لەنێو بازاڕی قەزای خەبات ڕوویدا، دەستبەجێ هێزەکانی بەڕێوەبەرایەتیی پۆلیسی پارێزگای هەولێر گەیشتنە شوێنی ڕووداوەكە و دەرکەوت کەوا لەسەر کێشەی منداڵ دەمەقاڵی لەنێوان دوو بنەماڵەدا دروستبووە”.
ئاماژەی بەوەشكرد، “دوای دەمەقاڵێكە هەردوولا بووە بەشەڕیان لە ئەنجامیشدا باوکێک و دوو کوڕ بەناوەکانی (محەمەد قادر عەباس) و (بەدر محەمەد قادر) و (شێروان محەمەد قادر) كوژراون”.
وتەبێژی پۆلیسی هەولێر باسی لەوەشكرد، “پەڕاوی لێکۆڵینەوەش بۆ ڕووداوەكە كراوەتەوە”.
