ئاسایشی سلێمانی دەستگیركردنی تۆمەتبارێكی عەرەب ڕادەگەیەنێت و دەڵێت، دوو كەسی بەكرێگرتووە و ئەوانە كەسێكیان لە بەسرە بۆ كوشتووە.
به‌ڕێوه‌به‌رایه‌تی ئاسایشی پارێزگای سلێمانی بڵاویكردەوە، لە ڕۆژی 1ی ئابی ڕابردوو هێزەكانیان تۆمه‌تبار (محەمەد جواد مەتەر) بە ڕەگەز عه‌ره‌ب و دانیشتووی شاری به‌غداد ده‌ستگیركردووە.
تۆمەتبار دوای ئەوەی ژنێكی خه‌ڵكی به‌سره‌ی ناسیوه و په‌یوه‌ندی له‌گه‌ڵدا دروستكردوه، دواتر به هاوكاریى ژنه‌كه له‌گه‌ڵ دوو كه‌س به‌ناوه‌كانی (م.ا) و (ی.م) لە 22ی تەمموزی ڕابردوو مێردی ژنه‌كه‌یان به‌ناوی (محەمەد عەبدولحسێن) لە بەسڕە كوشتووە، وەك ئەوەی لە ڕاگەیەندراوەكەی ئاسایشی سلێمانیدا هاتووە.
دەشڵێت، تۆمەتبار دواتر بەمەبەستی خۆشاردنەوە هاتووەتە هەولێر و لەوێشەوە چووەتە شارۆچكه‌ى ڕانیه، تا ئەوكاتەی لەلایەن هێزه‌كانى ئۆپراسیۆنى ئاسایشى سلێمانیه‌وه به‌فه‌رمانى دادوه‌ر و به‌پێى مادده‌ى (4)ی تیرۆر دەستگیركراوە.
پاشان تۆمەتبار لە 10ی ئابی ڕابردوو ڕادەستی پۆلیسی بەغداد كراوە.
