چوار فیدراسیۆنی وڵاتانی ئاسیا لەبارەی ئەنجامدانی مۆندیالی هەڵبژاردەکان هەر دوو ساڵ جارێک، ڕەزامەندییان دەربڕیوە.
ماوەی دوو وەرزە ئارسن ڤینگەر، ڕاهێنەری ئەفسانەیی ئارسیناڵ بیرۆکەی سازکردنی جامی جیهانی بە دوو ساڵ جارێک خستووەتە بەردەم فیدراسیۆنی تۆپی پێی جیهان (فیفا)، بۆ ئەو مەبەستەش بەرپرسانی (فیفا) نوسراویان ئاڕاستەی فیدراسیۆنی ناوخۆیی کیشوەرەکانی ئاسیا وئەوروپا و ئەمریکا کردووە.
تاریق پانجا، ڕۆژنامەنوسی نیویۆرک تایمز ئاشکرایکردووە، فیدراسیۆنەکانی وڵاتانی نیپاڵ، بەنگلادیش، سریلاندا و دورگەی ماڵدیڤ، سەرەڕای ئەوەی ئەندامی کارای فیفا نین، بەڵام ڕاستەوخۆ ڕەزامەندییان بەرامبەر پێشنیازەکە نیشانداوە.
Feels like FIFA’s plan for a World Cup every 2 years is looking inevitable. Results of feasibility study not in, but support from FAs pouring in. Africa (now FIFA subsidiary) first to fall in line, and now it looks like Asia is, too. pic.twitter.com/3IriknpMmV
— tariq panja (@tariqpanja) September 2, 2021
چەندین سەرچاوەی دیکە دووپاتیانکردووەتەوە، بۆچوونی فیدراسیۆنەکانی دیکەی کیشوەری ئاسیا، تەنانەت فیدراسیۆنی باڵای کیشوەرەکە بەهەمان شێوەیە، چونکە سازکردنی مۆندیال دوو ساڵ جارێک دەرفەتی زیاتر بە وڵاتە بچوکەکان دەدات چانسی ڕێخکستنی مسۆگەربکەن و ملیۆنان دۆلار قازانج بەدەستبهێنن.